കൊടുവായൂർ
ഗ്രാമ പഞ്ചായത്ത്

ജാഗ്രത സമിതി

എന്താണ് ജാഗ്രത സമിതി?

ഉദ്ദേശ്യ ലക്ഷ്യങ്ങൾ

• സ്ത്രീകളെയും കുട്ടികളെയും അവകാശങ്ങൾ സംരക്ഷിക്കുകയും അവർക്ക് എതിരെയുണ്ടാകുന്ന ഏത് അതിക്രമത്തിനും വിവേചനത്തിനും നീതിലംഘനത്തിനും ചൂഷണത്തിനും തീരാ നിഷേധത്തിനും എതിരെ ശക്ത ഇടപെടലുകളും പരിഹാരത്തിനും വേണ്ട ക്രമീകരണം ഉറപ്പാക്കുകയും ചെയ്യുക.
• സ്ത്രീകളും കുട്ടികളും കക്ഷികളായിട്ടുള്ള ഏത് പരാതിയും സ്വീകരിക്കുകയും അടിയന്തര ഇടപെടലുകൾ വഴിയോ സഹായസംവിധാനങ്ങൾ വഴിയോ പരിഹാരമുണ്ടാക്കുകയും ചെയ്യുക.
• ജാഗ്രത സമിതിക്ക് സ്വയം പരിഹരിക്കാൻ കഴിയാത്ത പരാതികൾ ജില്ലാ ജാഗ്രത സമിതി, വനിത കമ്മീഷൻ, നിയമ സഹായ ഏജൻസികൾ തുടങ്ങിയവയിലേക്ക് എത്തിക്കുകയും തുടർനടപടികൾ ഉറപ്പാക്കുകയും ചെയ്യുക.
• സ്ത്രീകളുടെയും പെൺകുട്ടികളുടെയും അവകാശ സംരക്ഷണത്തിനായുള്ള സർക്കാർ പദ്ധതികളും ഏജൻസികളും ഏകോപിപ്പിക്കുക.
• സ്ത്രീകൾക്കും കുട്ടികൾക്കുമെതിരെ പ്രശ്നങ്ങളില്ലാത്ത സാമൂഹ്യാന്തരീക്ഷം സൃഷ്ടിക്കുന്ന പ്രവർത്തനങ്ങൾ നടപ്പിലാക്കുക.
• ലക്ഷ്യപ്രാപ്തിക്കായി വിവിധ കൂട്ടായ്മകളും ജനകീയ സംവിധാനങ്ങളും പ്രയോജനപ്പെടുത്തുക.
• സ്ത്രീ-ശിശു സംരക്ഷണ പ്രവർത്തനങ്ങൾക്ക് സമൂഹത്തിന്റെ നിരീക്ഷണവും പിന്തുണയും ഉറപ്പാക്കുക.

ഗ്രാമപഞ്ചായത്ത് ജാഗ്രത സമിതി – ഘടന

വാർഡ് / ഡിവിഷൻ തല ജാഗ്രതസമിതി

തദ്ദേശഭരണതലത്തിലെ സ്ത്രീകളും കുട്ടികൾക്കും വേണ്ടി രൂപപ്പെടുത്തുന്ന ജാഗ്രതസമിതിയുടെ കീഴ്ഘടകമാണ് വാർഡ് / ഡിവിഷൻ ജാഗ്രത സമിതി. വാർഡ്തല സമിതിയുടെ പൊതുയോഗം ഗ്രാമസഭകളോടൊപ്പമോ പ്രത്യേകം ഗ്രാമസഭയായോ സംഘടിപ്പിക്കാവുന്നതാണ്.

ഘടന

• ചെയർപേഴ്സൺ – വാർഡ് മെമ്പർ / കൗൺസിലർ
• വൈസ് ചെയർപേഴ്സൺ – എ.ഡി.എസ് പ്രസിഡന്റ് / തിരഞ്ഞെടുക്കപ്പെടുന്ന വനിത
• കൺവീനർ – അങ്കണവാടി വർക്കർ / വനിത കമ്മ്യൂണിറ്റി വർക്കർ
• ജോയിന്റ് കൺവീനർ

അംഗങ്ങൾ

• പൊതുസമ്മതനായ ഒരാൾ (ഡോക്ടർ, അഭിഭാഷകൻ, റിട്ടയർ ഉദ്യോഗസ്ഥർ)
• സന്നദ്ധ സംഘടനകളെ പ്രതിനിധീകരിച്ച് ഒരാൾ
• പ്രധാന രാഷ്ട്രീയ പാർട്ടികളെ പ്രതിനിധീകരിച്ച് 2 പേർ (ഒരാൾ സ്ത്രീയായിരിക്കണം)
• എ.ഡി.എസ് / സി.ഡി.എസ് പ്രതിനിധി

എക്സ് ഒഫീഷ്യോ അംഗങ്ങൾ (ക്ഷണിതാക്കൾ)

• വാർഡിൽ പ്രവർത്തിക്കുന്ന ആരോഗ്യ പ്രവർത്തക
• വാർഡിൽ പ്രവർത്തിക്കുന്ന സാനിറ്റേഷൻ കമ്മിറ്റി പ്രതിനിധി
• വാർഡിൽ പ്രവർത്തിക്കുന്ന അങ്കണവാടി അധ്യാപിക / കൗൺസിലർ
• വാർഡ് വികസന സമിതി കൺവീനർ
• ബാലസഭ / സഭാ പ്രസിഡന്റ്